Transcription
1
Monsieur de Gordes, le cappitaine La Meaulce mestant venu trouver pour
2
les occasions quil ma dit vous avoir faict entendre en passant, il ma
3
requis la prolongation des frefves jusques au dernier du present pour les diocèses
4
de Nismes et Uzès pour plus facillement venir à la conference, ce que
5
je luy ay accordé, pourveu quelle soit par ceulx de la religion myeulx
6
observée à ladvenir quelle ne la esté par le passé ; et dautant que
7
le sieur de Sainct Romain ma demandé deux passeportz, lun pour aller querir
8
leurs depputez en Guyenne et lautre en Daulphiné, je les ay bien
9
voulu accompagner de ce mot pour vous prier de me faire entendre
10
comme vous vous gouvernerez en Daulphiné pour le regard de la surceance
11
darmes. Et nestant la presente pour autre effect, je prye Dieu vous donner,
12
monsieur de Gordes, contente et longue vye. De Pezenas, ce XIIIIe
13
fevrier 1574.
14
15
[brouillon de réponse de M. de Gordes]
16
Monseigneur, le XXIIIe de ce moys, jey receu la votre du XIIIe // [// escrite à Pezenas] et par icele veu que avés
17
prolongé la suspenssion jusques au dernier de ce moys à la requeste du cappitaine La
18
Meaulce pour les diocèses de Nismes et Uzès ; et quant à ce que me priés vous
19
faire entendre comme je me gouvernerey en Daulphiné pour le regard de la surcean
20
ce darmes, je ne vous y puis dyre autre chose, si non que nestant prolongée
21
[2 mots dans la marge] par vous comme elle avoyt esté accordée, nous sommes à la guerre er depuis
22
deus jours lennemy a surprins Ruynat et Alex par le tradiment daucuns
23
quy estoyent catholiques et se sont Votre entierement meilleur plus perfaict et
24
saysys du Puy Seynt Martin, de sorte
25
que mal eyseement pourrés vous avoyr asseuré amy de montmorancy
26
ny envoyer nouveles de la court. Je ne
27
scay de quele diocèze est le Pouzin, mays ilz passent deça tous les jours et sy
28
telles prolongations de trefves ne sont, comme vous dites, mieulx observées à ladvenir,
29
que par le passé, ce sera tousiours à notre preiudice ; mays quant aux passeportz
30
que monsieur de Saynt Romain vous a demandés pour leurs depputés de ce gouver
31
nement, ilz y seront autant valables que ceulx du roy en cest endroyt. Je me
32
recommande très humblement à votre bonne grace et prie Dieu,
33
monseigneur, etc. Du Montelymar, le XXVe de fevrier 1574.